"Лион" форварди Бертран Траоре "Астон Вилла"га ўтмайди. Бу ҳақда Footmercato нашри хабар тарқатмоқда.

Юқоридаги манбага кўра, бирмингемликлар 25 ёшли футболчини жорий ёзги трансферлар даврида таркибга қўшиб олишни режалаштираётган ва бунинг учун француз грандига 17 млн евро таклиф қилган. Аммо “Лион” раҳбарияти Бертранни сотишни истамади.

Траоре “Лион” сафида 2017 йилдан буён тўп суриб келмоқда. У ўтган давр мобайнида жами 126 та ўйинда майдонга тушди ва 33 та гол ҳамда 17 та голли узатма ёздириб қўйишга эришди. Унинг клуб билан амалдаги шартномаси 2022 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)