"Лион" мураббийи: "ПСЖ майдонда 16 киши бўлиб ўйнади"

"Лион" бош мураббийи ёрдамчиси Жорже Масиэл Франция чемпионатининг 12-турида шогирдлари ПСЖга мағлуб бўлгач (2:3), бош ҳакам Бенуа Бастенни танқид қилди. Жамоалар Лион шаҳридаги "Групама" стадионида ўйнашди.

"Стадионда 59 минг киши бор ва улардан фақат тўрттаси ҳамма кўрган қоидабузарликни кўрмаган. Иккинчи гол - бу фалокат. Таляфикога нисбатан ишлатилган қўполлик учун пенальти белгилаш ва қизил карточка кўрсатиш керак эди. ПСЖ - Европанинг энг яхши жамоаси. Пайшанба куни ўйнаган жамоага қарши майдонга тушиш учун 16 кишилик таркибда, жумладан, ВАРда ўйнаш шарт эмас, деб ўйлайман.

Агар қоидалар барча учун бир хил бўлса, Таляфико четлатилмаслиги керак эди. Забарний нима учун карточка олмаганини тушунмаяпман. Улар карточка олмасдан қанча қўполликлар қилишди. Буларнинг барчаси шунчалик такаббурки, бизда ҳамма нарсани муҳокама қилиш имконияти ҳам йўқ. Муҳими, бизда ҳақиқий мунозара бўлиши керак, чунки биз ҳар ҳафта ўйнаймиз ва қоидалар доимий равишда ўзгариб туради", - дея Масиэйлнинг сўзларини келтиради Le Parisien.