"Лион" ўз сафига "Милан" ҳужумчисини қўшиб олмоқчи

"Милан" клуби вингери Сусо "Лион"нинг қизиқишлар доирасига кириб қолди. Бу ҳақда L’Equipe нашри хабар тарқатмоқда.

Франция гранди 25 ёшли испаниялик футболчини сотиб олишни режалаштирмоқда. “Россонерилар” эса Сусони 30-35 млн евро эвазига қўйиб юборишга тайёр.

Бундан аввалроқ унга “Фиорентина” қизиқиш билдираётган эди. Бироқ, “Милан”нинг талаби “бинафшаранглилар”га тўғри келмаган.

Маълумот учун, Сусо ўтган мавсум “Милан” сафида жами 35та ўйинда майдонга тушди ва 7та гол ҳамда 10та голли узатма ёздириб қўйишга эришди.