Лионель Месси яна бир совринга лойиқ кўрилди
"Пари Сен-Жермен" юлдузи Лионель Месси Аргентинада йилнинг энг яхши спортчиси деб топилди.
Ушбу мукофот мамлакат спорт журналистлари уюшмаси томонидан тақдим этилади. Лео фаолияти мобайнида учинчи бор бу номга сазовор бўлди.
Аввалроқ, 2011 ҳамда 2021 йилларда ҳам Месси Аргентинада йилнинг энг яхши спортчиси номинациясини ўзиники қилганди. 35 ёшли футболчи "альбиселесте" таркибида Қатар мезбонлигида ўтган Жаҳон чемпионати ғолибига айланди.
У жорий мавсум терма жамоа либосида 14 учрашувда майдонга тушиб, ўз ҳисобига 18 гол ва 6 ассист ёздириб қўйишга муваффақ бўлган.
Фикрлар