Липинец Қудратилло Абдуқаҳҳоров ҳақида... Рус боксчисининг иштаҳаси карнай

Биринчи ярим ўрта  вазн тоифасида собиқ жаҳон чемпиони россиялик Сергей Липинец ўзбекистонлик Қудратилло Aбдуқаҳҳоровга қарши жанг санасининг ўзгаришига муносабат билдирди. Дастлаб, IBF муваққат чемпионлик камари учун жанг 10 октябрга белгиланган эди, аммо кейинчалик 24 октябрга қолдирилди.

“Сана ўзгаришини чемпион сифатида қабул қилдим ва 24 октябрда мен 10 октябрда қилмоқчи бўлган ишимни амалга ошираман. Руҳан жуда кучлиман, шунинг учун санани ўзгартириши билан боғлиқ муаммолар йўқ. Йиғин яхши ўтди ва жангга 100 фоиз тайёрман. Мен Жо Гуссен билан бирга ишладим ва кўплаб ажойиб жангчилар, жумладан, Рашиди Эллис ва Рональд Круз билан спарринг жанглар ўтказдим.

Ҳозирча бу вазндаги Эррол Спенс, Мэнни Пакьяо, Дэнни Гарсия, Кит Турман, Шон Портер ёки Теренс Кроуфорд каби жангчилар ҳақида ўйламаяпман. Уларга етиб бориш учун мен 24 октябрда ғалаба қозонишим керак.

Aбдуқаҳҳоровми? Бекорга хеч ким IBF рейтингининг етакчиси бўлмайди. Aбдуқаҳҳоров кўплаб жанглар ўтказиш баробарида муваффақиятли ҳаваскорлик фаолиятига ҳам эга. У рингда тезкор. Қолаверса, кучли эканлигини биламан ва у мени мағлуб этиш учун қўлидан келганича ҳаракат қилади. У билан жанг вақтида масофани сақлаш ва очко тўплаш керак. Ажойиб жангни кутмоқдаман. Менга қарши нимани тайёрласа, унга қарши режам бўлади ва ҳар қандай ҳолатда ғалаба қозонаман”,- деди Липинец.

31 ёшли Липинец профессионал рингда 16 ғалаба (12 нокаут)  ва бир мағлубият қайд этган. 27 ёшли Қудратилло Aбдуқаҳҳоров эса мағлубиятсиз одимламоқда ва 17 та ғалабага (9 нокаут) эришган.  

Қудратилло Абдуқаҳҳоров Липинецни енгса, навбатдагиси ким бўлади ёхуд унинг эҳтимолий рақиблари ҳам ўзаро жанг қилади

Қудратилло Абдуқаҳҳоров ва Сергей Липинец жангининг расмий постери тақдим этилди (Фото)

Қудратилло Абдуқаҳҳоров ва Сергей Липинецнинг жанг санаси маълум бўлди

Манба: Boxingscene