"Ливерпуль" рақиб юлдузи билан келишувга эришди

«Кристал Пэлас»нинг флангда ўйнайдиган ҳужумчиси Исмаила Сарр «Ливерпуль» клуби билан шахсий шартнома бўйича келишувга эришди. Бу ҳақда indykaila News нашри хабар берди.

Манба маълумотига кўра, мерсисайд клуби билан келишувга эришилгандан сўнг сенегаллик футболчи энди «Кристал Пэлас» раҳбариятини «Ливерпуль» таклифини қабул қилишга кўндиришга уринмоқда. Футболчининг ўзи фаолиятини айнан «қизиллар» сафида давом эттиришни истамоқда.

Исмаила Сарр 2024 йилдан бери «Кристал Пэлас» шарафини ҳимоя қилиб келмоқда. Шу вақт мобайнида у барча мусобақаларда жами 92 та ўйин ўтказиб, 33 та гол урди ва 10 та голли узатма амалга оширди.

Янги мавсумда 28 ёшли вингер ҳали майдонга тушгани йўқ. Унинг Лондон клуби билан амалдаги шартномаси 2029 йилга қадар мўлжалланган.