“Ливерпуль” 100 миллион фунтга зўр ҳужумчи олади

Англия чемпионлигига сазовор бўлган “Ливерпуль” янги мавсум олдидан таркибини сезиларли даражада кучайтириш учун катта трансферга қўл урмоқда.

The Sun нашрининг маълум қилишича, клуб мутасаддилари “Ньюкасл”нинг қанот ҳужумчиси Энтони Гордон трансфери бўйича иш бошлади.

Манбага кўра, мерсисайдликлар 24 ёшли футболчини олиш учун “қарғаларга” 100 миллион фунт (117 миллион евро) тўлашга тайёр.

Аслида Арне Слот бу позицияга ПСЖ вакили Брэдли Барколани олиб келмоқчи эди. Бироқ парижликлар “Ливерпуль” таклифини қабул қилмади ва бу ҳужумчи сотилмаслигини уқтирди.

Мерсисайдликларнинг Гордонни олишга ҳаракат қилаётганига жамоанинг колумбиялик ҳужумкор футболчиси Луис Диаснинг клубдаги келажаги мавҳум экани ҳам сабаб бўляпти. Луис Диас “Ливерпуль”даги аҳволидан норози ва ўзи ўйнашни орзу қилган “Барселона”га ўтишга тайёрланяпти.