“Ливерпуль” афсонаси бу юлдузни зудлик билан йўқотишни талаб қилди

Англия Премьер-лигасининг 29-туридан ўрин олган учрашувда амалдаги чемпион “Ливерпуль” чемпионат аутсайдери “Вулверхэмптон”дан 1:2 ҳисобида мағлубиятга учради.

Бу ўйиндан кейин “Ливерпуль” афсонасига айланган Стивен Жеррард собиқ жамоасини кескин танқид қилди.

“Қизиллар”нинг собиқ садори мерсисайдликлар ўйинидаги заиф жиҳатларни таъкидлади ва мураббийлар штабига таркибни қайта кўриб чиқишни таклиф қилди. Айниқса, ҳужумчи Коди Гакпо масаласига алоҳида эътибор қаратди, чунки у сўнгги тўққиз ўйинда атиги битта гол урган.

- 65 дақиқа давомида “Ливерпуль” ўйин йўналишини ўзгартиришга жуда қаттиқ ҳаракат қилди, аммо жуда ёмон ўйнади, етарлича хавфли вазиятлар ярата олмади, керакли тезлик ва темпда ҳаракат қилмади, жамоага сифат етишмади.

Арне Слот ёш ҳужумчи Рио Нгумоани асосий таркибда майдонга тушириши керак. У буни айнан ҳозирдан бошлаши лозим. Слот Гакпонинг ўрнига айнан шу футболчини тушириши керак, чунки у Коди 65–70 дақиқа давомида қилган ишдан кўра, қисқа муддатда кўпроқ самара келтиряпти.

Рио айнан ҳозир асосий таркибда ўйнашга муносиб. Англия кубогида ҳам у шу йигитни асосий таркибда майдонга тушириши шарт,  - деди Жеррард TNT Sports нашрига берган интервьюсида.