“Ливерпуль” бир ўйинчи туфайли 35 миллион фунтга куяди...

Англия Премьер-лигасининг амалдаги ғолиби “Ливерпуль” жамоага тегишли бўлган Хари Эллиот келажагидан ташвишда.

Мерсисайдлик ёш футболчини “Астон Вилла”га ижарага берган эди. Бу келишувда “виллаликлар”га келаси ёзда ўйинчини 35 миллион фунтга сотиб олиш ҳуқуқ берилган.

Аммо Харви Эллиот “Астон Вилла” асосий таркибига кира олмади ва амалда ўйин амалиётисиз қолиб кетяпти. Шу боис, бошида мерсисайдликларга фойдали кўринган бу битим амалда катта молиявий йўқотишга олиб келиши мумкин.

“Ливерпуль” ва “Астон Вилла” ўртасидаги келишувга кўра, агар Эллиотт бирмингемликлар  учун 10 та расмий ўйин ўтказса, ижара доимий трансферга айланиши керак эди. Бироқ дастлаб чемпионатнинг тўртта учрашувида майдонга тушиб, жами 97 дақиқа ўйнаган футболчи кейинчалик ўйин амалиётидан буткул мосуво бўлди.

22 ёшли Эллиотт Англиянинг энг иқтидорли ёш футболчиларидан бири ҳисобланса-да, унинг ривожи тўхтаб қолгандек.

“Ливерпуль” икки нарсадан хавотирда. Агар “Астон Вилла” Эллиотни сотиб олиш ҳуқуқидан фойдаланмаса, у “Энфилд”га ўйин амалиётисиз қайтиб келади. Бу уни сотишни ҳам, Арне Слот жамоасига қайта интеграция қилишни ҳам қийинлаштиради.

Иккинчи томонда, ижаранинг самарасиз якун топиши “Ливерпуль” учун ҳам спорт, ҳам молия нуқтаи назаридан жиддий зарба бўлади. Кутилган 35 миллион фунт ўрнига клуб қиймати пасайган ва бозордаги салоҳияти чекланган футболчи билан қолиб етади.