“Ливерпуль” чемпион футболчидан воз кечди

Англия премьер-лигасида ғолиб чиққан “Ливерпуль” ёзги трансферлар даврида таркибида жиддий ўзгаришлар қилишни режалаштирмоқда.

Янги ижрочиларга жой очиш ва маблағ бўшатиш учун учун ливерпулликлар айрим ўйинчиларидан воз кечишга қарор қилди.

Хусусан, “қизиллар” грециялик ҳимоячи Костас Цимикасни трансферга қўяди. Football Insider нашрининг ёзишича, клуб 28 ёшли футболчини 20 миллион еврога қўйиб юборади.

Чап қанот ҳимоячиси “Ливерпуль”да 2020 йилдан бери тшп тепмоқда. Унгача ўз ватани Грециядан Норвегия ва Нидерландия чемпионатларида тўп тепган.

Цимикас жорий мавсум чемпион жамоа сафида барча турнирларда 28 маротаба майдонга  тушиб, ўз ҳисобига иккита голли пас ҳам ёздириб қўйди. Унинг клуб билан ҳамкорлиги 2027 йилнинг 30 июнигача давом этиши белгиланган.