“Liverpul” chempionligi tan olindi

“Tottenxem ” sardori Harri Keyn APL o‘yinlari tiklanishi haqida fikr bildirdi va “Liverpul”ning chempionlikka loyiqligini tan oldi.

- Klub premer-liga rahbarlari bilan tez kunlarda kichik guruhlarda shug‘ullanishga erishi yuzasidan muloqot olib bormoqda. Biz liganing qayta tiklanishi rejasini bilishimiz kerak. Shundan kelib chiqib ishlaymiz. Muxlislarsiz o‘ynash og‘ir. “Liverpul” sovringa loyiq. Lekin muxlislarsiz chempionlik tatirmikin, shunisi qiziq, - dedi Harri Keyn.

Uzoq yillardan beri chempionlikni sog‘inib kelayotgan “Liverpul” joriy mavsumda eng yaqin ta’qibchisini 25 ochkoga ortda qoldirib, chempionlikka juda yaqin turibdi.