"Ливерпуль" даъвогарлик қилаётган хавбек клубидан кетмоқчи

"Байер" ярим ҳимоячиси Кай Хаверц фаолиятини Англия Премьер-лигасида давом эттириши мумкин.

Германиянинг Bild нашрига берган интервьюси чоғида Хаверц ўзини Европанинг номдор клублари сафида синаб кўрмоқчи эканлигини таъкидлаб ўди.

"Фаолиятимда катта қадамлар ташлаш учун тайёрман. Ушбу сўзим Германия ва бошқа миллий чемпионатларга ҳам тегишли. "Байер" менга ёқади, бу ҳақида олдин ҳам айтиб ўтганман. Аммо қачондир ўзим учун янгилик қилишим керак бўлади", - дейди футболчи.

Европа топ-клублари қизиқишига сабаб бўлаётган ёш ярим ҳимоячининг трансфер суммаси 80 миллион еврони ташкил қилиши мумкин.