"Liverpul" etakchilari safga qaytdi

"Liverpul" futbolchilari Jordan Xenderson va Sadio Mane mashg‘ulotlarga qaytdi. Ular 13 fevral kuni "Byornli"ga qarshi bahsda maydonga tushishi mumkin. 

"The Athletic" nashriga ko‘ra, Xenderson jarohatdan tiklanishga muvaffaq bo‘lgan. Biroq bosh murabbiy uni navbatdagi uchrashuvda to‘liq 90 daqiqa o‘ynatmoqchi emas.

Shuningdek, Manening ham Afrika millatlar kubogidan so‘ng Liverpul shahriga qaytib kelgani aytilmoqda. Futbolchining kelasi o‘yinda ishtirok etish ehtimoli yuqori.

Ma’lumot o‘rnida, "Liverpul" jamoasi hozirda APLning 24-turidan keyin 51 ochko bilan jadvalda 2-pog‘onadan joy egallagan.