"Ливерпуль" клуби ярим ҳимоячиси Фабиньо жароҳати сабаб бир ойдан ортиқроқ майдонга тушолмаслиги мумкин. Бу ҳақда Daily Mail нашри хабар тарқатмоқда.

Эслатиб ўтиш лозимки, 26 ёшли бразилиялик футболчи Чемпионлар лигаси гуруҳ босқич 5-туридан ўрин олган “Наполи”га (1:1) қарши беллашувда жароҳат олиб майдонни тарк этган эди.

Жамоа шифокорларининг сўзларига кўра Фабиньонинг соғайиши учун 6 ҳафта талаб этилиши мумкин. Таъкидлаш керакки, у ушбу вақт орасида жами 10 та ўйинни ўтказиб юбориши мумкин.

Маълумот учун, Фабиньо жорий мавсум мерсисайдликлар сафида жами 12 та ўйинда майдонга тушди ва ўз ҳисобига 1 та гол ҳамда 1 та голли узатма ёздириб қўйишга эришди.