“Ливерпуль” футболчиси асосий таркибга кириш учун жамоадошини жароҳатлади

“Ливерпуль” ёшлар жамоасининг собиқ ўйинчиси Том Брюитт асосий жамоа таркибига кириш учун жамоадошини атайин жароҳатлаганини тан олди. Брюитт Англия кубоги учрашувида қатнашиш учун клубдаги рақобатчиси Дэниел Клирига жароҳат етказган.

- Мақсадга етишиш учун кимгадир зарба бериш ёки муносабатларни бузиш керак бўлса, мен шундай қилардим. Менда “Ливерпуль”да ўйнаш истаги кучли бўлган. Машғулотларда Дэниел ёнимда шуғулланарди ва унга зарба бердим. Мен унга жароҳат етишини билиб туриб, оёғига ташландим ва бу қилмишимдан унчалик ҳам афсусланмайман. Чунки миямда ё мен, ё у ўйнайди, деган фикр бўларди.  Клири икки ҳафта қўлтиқтаёқда юрди. Мен ўйнаш учун уни йўлимдан олиб ташладим, - дейди Брюитт.

Энг қизиғи, бу воқеадан бир ҳафта ўтиб, Брюитт бошидан жароҳат олиб, ўзи ўйнашни истаган  Англия кубоги доирасидаги “Экстер Сити”га қарши учрашувда қатнаша олмади.