"Ливерпуль" ярим ҳимоячиси Жердан Шакири яқинлашиб келаётган ёзги трансферлар даврида жамоасини ўзгартиришни режалаштирмоқда. Бу ҳақда Football Insider нашри хабар бермоқда.

29 ёшли швейцариялик футболчи яна А Серияга қайтиши мумкин. Шакири жорий мавсум жуда кам майдонга тушмоқда ва айнан ўйин амалиёти камлиги сабаб бошқа жамоага ўтмоқчи.

Шакири 2020/2021 йилги мавсумда жами 21 та ўйинда (жами 788 дақиқа) майдонда ҳаракат қилди. У ушбу учрашувларда ўз ҳисобига 1 та гол ҳамда 4 та голли узатма ёздириб қўйди.

Transfermarkt портали Жердан Шакирини 14,00 млн еврога баҳоламоқда. У “Ливерпуль”га 2018 йил “Сток Сити”дан кўчиб ўтган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)