"Ливерпуль" ҳимоячиси жамоани тарк этадиган бўлди

"Ливерпуль" футболчиси Ибраима Конате жорий мавсум тугагандан сўнг жамоани тарк этадиган бўлди. Бу ҳақда инсайдер Девид Орнштейн хабар бермоқда. 

Манбада берилган маълумотга кўра, мерсисайдликлар 26 ёшли футболчи билан янги шартнома шартларини келиша олишмаяпти. Шу боис инглиз клуб шартнома якунлангандан сўнг футболчини қўйиб юбормоқчи. Бир неча кун олдин Конатега "Реал" қизиқиш билдиряпти деган миш мишлар пайдо бўлганди.

Эслатиб ўтамиз, франциялик футболчи 2021 йилдан бери "Ливерпуль" шарафини ҳимоя қилиб, келмоқда. Шу давр мобайнида у 161 та учрашувда майдонга тушиб, 6 та гол ва 4 та голли узатмани ўз номига ёздириб қўйган.