"Ливерпуль" Лондонда рақибини янчиб ташлади!

АПЛ 14-туридан ўрин олган учрашувлар бошланди. Илк беллашувда "Кристал Пэлас" ҳамда "Ливерпуль" жамоалари ўзаро куч синашди. Унда меҳмонлар 7:0 ҳисобида рақибни тор-мор келтирди.

Дастлаб, Такуми Минамино тезкор гол уриб, ҳисобни очди. Шунингдек, Садио Мане ва Жордан Хендерсон ҳам бир матрадан ўз номини таблога ёздириб қўйган бўлса, Роберто Фирмино ҳамда Муҳаммад Салоҳ дублни расмийлаштирди.

Ушбу ғалаба мерсисайдликларнинг турнир жадвалидаги пешқадамлигини мустаҳкамлади. 31 очко тўплаган Клопп шогирдлари иккинчи ўриндаги "Тоттенхэм"ни 6 очкога ортда қолдирмоқда. Шармандали мағлубият қабул қилиб олган "Кристал Пэлас"нинг очколари сони 18 талигича қолди ва улар онлайн жадвалда 12-поғонани банд этган.