"Ливерпуль" оломаган ҳужумчига Саудия клуби қизиқиш билдирмоқда

"Ньюкасл" ҳужумчиси Александр Исак фаолиятини Саудия Арабистонида давом эттириши мумкин - швед футболчи "Ал-Ҳилол"нинг трансфер мақсадлари рўйхатига киритилган. Бу ҳақда журналист Жанлука ди Марцио хабар берди.

Манба маълумотларига кўра, "Ал-Ҳилол" бош мураббийи Симоне Индзаги Исакни ўз жамоасининг ҳужум чизиғида кўришни истаяпти. Яқин кунларда Саудия клуби "Ньюкасл"га расмий таклиф йўллаши кутилмоқда.

Аввалроқ, "Ливерпуль" 25 ёшли ҳужумчининг трансфери учун "Ньюкасл"га 140 миллион евро таклиф қилган эди.

Ўтган мавсумда ҳужумчи барча турнирлар доирасида 27 та гол урган. Бундан ташқари, швед футболчиси 6 та голли узатма берган.