"Ливерпуль" ўз ўйида "Арсенал"ни таслим этди

Англия Премьер-лигаси 3-туридан ўрин олган "Ливерпуль" - "Арсенал" учрашуви якунланди. Унда мерсисайдликлар 3:1 ҳисобида зафар қучди.

Ўйиндаги ҳисоб 25-дақиқада "канонирлар" форварди Александр Ляказетт томонидан очилган бўлса, майдон эгалари орадан 10 дақиқа ўтар-ўтмай, тарози паллаларини ўз томонига оғдирди. Иккинчи таймда захирадан ўйинга қўшилган Диогу Жота баҳс сўнгига қадар аниқ зарбаси билан ўйинга мантиқий нуқта қўя олди.

Ушбу ғалабадан кейин "Ливерпуль" турнир жадвалининг 2-поғонасини эгаллаган бўлса, "Арсенал" 5-ўринда жойлашган.

• 90+4'
  

  Учрашув якунланди! Матнли трансляция Жавоҳир Азимов томонидан олиб борилди!

• 90+2'

  Обамеянг Нкетиани тўп билан таъминлади. Бироқ ёш футболчи зарба йўллаш имконини топа олмади.

• 90'
  

  Асосий вақтга 3 дақиқа қўшиб берилди.

• 88'
  

  ГООООООООООЛЛЛЛЛЛЛ!

  Жарима майдонидан тўпни узоқлаштиришда хатога йўл қўйган Давид Луиз тўпни Жотанинг оёқлари остига ташлаб берди. Португалиялик вингер бу имкониятдан унумли фойдаланди.

• 86'

  Салаҳ ҳамда Жота бир-бирларига ҳалал бериб қўйишди. Қулай вазият бой берилди.

• 83'

  Салаҳнинг заргарона узатмасидан кейин дарвозабон қаршисида ёлғиз қолган Жота ноаниқ зарба йўллади.

• 82'

  Жота тўпни қабул қилгани ҳамоноқ ўз омадини синаб кўрди. Бироқ зарба етарлича аниқ эмасди.

• 81'

  Агар "Арсенал" ҳозир гол ура олса, сўнгги дақиқалар шунчаки ёнади!

• 80'
  

  Наби Кейта ва Садио Мане захирага олинди. Уларнинг ўрнига Мильнер ва Жота майдонга тушди.

• 78'
  

  Маҳмонларнинг илк бурчак зарбасини ҳимоячилар бартараф этди.

• 76'

  Фирминонинг зарбаси Тирнига тегиб, майдонни тарк этди. Зарба анча хавфли эди.

• 74'
  

  Ляказетт ўрнига Нкетиа майдонга тушди. Кўкка совурган вазиятлари учун франциялик форвард афсусланмоқда.

• 72'
  

  Манени жарима майдони олдида йиқитган Себальос сариқ карточка билан жазоланди.

• 70'
  

  Икки рақибини усталик билан алдаб ўтиб, дарвозани нишонга олган Маненинг зарбасини Лено эгаллаб олди.

• 69'
  

  Пепе Виллиан ўрнига ўйинга қўшилди.

• 68'
  

  Бельерин катта тезликда ундан ўтиб кетаётган Манени қўллари билан ушлаб қолгани учун огоҳлантирилди.

• 65'

  Фирмино билан девор усулида комбинация уюштирган Мане жарима майдони ичида антиқа зарба берди. Бироқ ноаниқ.

• 63'
  

  Яна бир бор дарвозабон билан бирга-бир вазиятга чиққан Ляказетт навбатдаги сафар ҳам гол ура олмади. Алиссон жой танлашда бехато ўйнади.

• 62'
  

  Ван Дейкнинг узоқ масофадан берган зарбаси Ленога муаммо туғдира олди. Дарвозабон тўпни ушлаб ола олмади.

• 60'
  

  Жака захирага олинди. Унинг ўрнига Себальос майдонга тушди.

• 59'
  

  Ҳисоб тенглашиши мумкин эди! Дарвозабон билан бирга-бир вазиятга чиққан Ляказетт тўпни алиссоннинг устидан ошириб қўймоқчи бўлди. Бироқ форвард ижрода адашди. Алиссон хавфни бартараф этди.

• 58'
  

  Виллиан жароҳат олиб, майдонда ётибди. Унга тиббий ёрдам керак. Фабиньо унга нисбатан бироз қалтис ўйнаган эди.

• 56'

  Рақибининг фаоллигини мерсисайдликлар тўп назорати билан сусайтирмоқчи.

• 54'

  "Канонирлар" ҳам тез-тез олдинга ўтишни бошлади.

• 53'

  Мане Роб Холдингдан тўпни жарима майдони яқинида олиб қўйди ва жамоадошига узатди. Бироқ ҳимоячи ўз хатосини тўғирлай олди.

• 51'

  Фирминонинг марказга кесиб узатган тўпини Давид Луиз узоқлаштирди.

• 49'
  

  Тирнининг оёғини босиб олгани учун Трент огоҳлантирилди.

• 47'

  Артета шогирдлари иккинчи бўлимни фаол бошлади. Бироқ улар ҳужумни якунлай олишмади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45'
  

  Биринчи таймга 2 дақиқа қўшиб берилди.

• 44'

  Бўлим сўнгида "Арсенал" тўпни назорат қилмоқда.

• 42'

  Мэйтленд-Найлз бирга-бир вазиятга чиқиб бориши мумкин эди. Бироқ лотераль тўпни ўзига бўйсундира олмади.

• 41'

  Фирмино катта тезликда югуриб келаётган Салаҳга оҳиста пас берди. Бироқ дарвозабон ҳаммасини ўз назоратига олган эди.

• 39'

  Жарима майдонига ёриб кирган Робертсон бу сафар фойдали ҳаракат қила олмади. Тўп унинг ўзидан майдонни тарк этди.

• 36'

  Ўйин драматик руҳда давом этмоқда. Ҳужумлар тинмаяпти.

• 34'
  

  ГООООООООООЛЛЛЛЛЛЛ!

  Трентнинг идеал узатмасидан сўнг дарвозабон қаршисида бир ўзи қолган Робертсон хотиржамлик билан гол киритди.

• 32'
  

  Кейтанинг ўткир бурчакдан берган зарбасини меҳмонлар кипери қайтарди.

• 30'

  Ўйин темпи киритилган икки голдан кейин анча ортди.

• 28'
  

  ГООООООООООЛЛЛЛЛЛЛ!

  Мерсисайдликлар дарҳол жавоб голини киритишди! Салаҳнинг зарбасини базўр бартараф этган Лено Маненинг уриниши олдида ожиз эди. Сенегаллик вингер позиция танлашдаги маҳорати эвазига бўш қолган дарвозани ишғол қилди.

• 25'
  

  ГООООООООООЛЛЛЛЛЛЛ!

  Робертсон кераксиз жойда рақиби Ляказеттни тўп билан таъминлаб қўйди. Дарвозабон билан ёлғиз қолган ҳужумчи антиқа зарбаси билан ҳисобни очди.

• 24'

  Вейналдумнинг жарима майдони яқинидан берган зарбасини Лено осонликча ушлаб олди. Зарба кутилганидек чиқмаганди.

• 23'

  Холдинг яккакурашда Манега имконият қолдирмади. Ўйин яхши суръатда давом этмоқда.

• 21'

  Жарима майдонидан қайтган тўпга "пушка" зарбасини йўллаган Трентнинг зарбаси Бельеринга тегиб, тўсиндан қайтди.

• 20'

  Жака Салаҳ томон кетаётган тўп йўналишини аранг ўзгартириб юборди.

• 18'

  Артета шогирдлари эрта прессинг уюштирмоқда. "Арсенал"нинг 4-5 футболчиси рақиб тўпга эгалик қилаётганида майдоннинг мезбонлар учун ажратилган қисмида рақибларини кутиб олмоқда.

• 15'
  

  Трентнинг узатмасидан кейин жарима майдони марказидан кучли зарба йўллаган Маненинг уринишини Лено қайтарди.

• 13'
  

  Бурчакдан етказилган тўпга Салаҳ боши билан ноаниқ зарба берди.

• 12'

  Трентнинг жарима майдонига оширган тўпини Ван Дейк узоқ бурчакка йўллади. Бироқ тўп йўлига Давид Луиз тўғаноқ бўлди.

• 9'
  

  Мэйтленд-Найлз ўйиндан ташқари ҳолатда қолиб кетди.

• 7'

  Кутилганидек, "Ливерпуль" тўп назоратини қўлга олди. "Канонирлар" прессингда ўйнаяпти.

• 5'

  Робертсоннинг узатмаси зич жойлашган меҳмонлар мудофаа чизиғидан ўтмади.

• 3'
  

  Мане Тирнининг юзига қўллари билан уриб юборди. Ҳакам уни огоҳлантирди.

• 2'

  Илк дақиқадаёқ Обамеянг дарвозабон билан ббирга-бир вазиятга чиқди. Бироқ олдинга югуриб чиққан Алиссон хавфни бартараф этди.

• 1'
  

  Учрашув бошланди!

• 0'

  "You will never walk alone" ҳам янгради!

• 0'

  Футболчилар майдонга тушиб келмоқда. Ўйин учун барчаси тайёр.

• 0'

  Ассалому алайкум, муҳтарам футбол ихлосмандлари! Биз кутган баҳс бир неча дақиқалар ичида старт олади.