"Ливерпуль" ўз тарихида рекорд серия ўрнатди

 Англия чемпионати 3-турининг марказий ўйинида "Ливерпуль" Лондоннинг "Арсенал" клубини минимал ҳисобда мағлуб этди. Шу тариқа, Англия футболининг амалдаги чемпиони ҳар бир ўйинда камида биттадан гол урадиган ўйинлар сериясини 37 тага етказди. Бу машҳур клуб тарихидаги рекорд сериядир.

Охирги марта "Ливерпуль" деярли бир йил олдин АПЛ ўйинида гол ура олмаганди. 2024 йил 14 сентябр куни клуб ўз уйида "Ноттингем Форест"га минимал ҳисобда ютқазди. Ўшандан бери "Ливерпуль" чемпионатнинг ўтган барча ўйинларида (37) ҳеч бўлмаганда гол уриб келмоқда.