"Ливерпуль" Салоҳ кетса, ўрнига кимни сотиб олиши маълум
"Ливерпуль" ва "Ньюкасл" ўз ўйинчиларини сотмагунча Федерико Кьезани сотиб ололмайди.
La Gazzetta dello Sport хабарига кўра, "Ювентус" учун шартномани узайтириш қийин бўладиган вингерга Англиянинг иккала клуби ҳам қизиқиш билдирмоқда. "Астон Вилла" ҳам италиялик футболчига даъвогарлик қилган эди, аммо футболчини бу вариантга қизиқмади.
Ўз навбатида туринликлар таклифларни кўриб чиқишга тайёр, аммо улар футболчини 50 миллион евродан камига сотмоқчи эмас.
"Ливерпуль" ва "Ньюкасл" мос равишда Муҳаммад Салоҳ ва Аллан Сент-Максиминни сотган тақдирдагина, Кьезани харид қилишга уриниши мумкин. Иккала футболчи ҳам фаолиятини Саудия Арабистонида давом эттириши мумкин.
Кьеза ўтган 2022/23 йилги мавсумда А Серияда 21 та ўйинда майдонга тушиб, 2 та гол урган.
Фикрлар