“Ливерпуль” Салоҳ ўрнига бошқа Муҳаммадни олади

“Ливерпуль”ни узоқ йиллар давомида бошқарган Юрген Клопп клубдан кетганидан кейин таркибда ҳам ўзгаришлар бўлиши кутилмоқда.

Хусусан, жамоанинг энг зўр тўпурари Муҳаммад Салоҳ ҳам жамоани тарк этиши мумкин. Унга Саудия Арабистонидан жиддий ва сердаромад таклифлар бўляпти.

Клуб раҳбарияти мисрлик ҳужумчининг кетишига тайёргарлик кўрмоқда. Football Transfers нашрининг ёзишича, мерсисайдликлар Салоҳнинг ўрнига Муҳаммад Қудусни олиб келмоқчи.

23 ёшли Муҳаммад Қудус ўтган ёзда “Аякс”дан “Вест Хэм”га кўчиб ўтанди. Англия клубидаги дебют мавсумида 45 та учрашувда 14 та гол ва олтита ассист қайд этди ва янги муҳитга тез мослаша олишини кўрсатди.

Бу ўйинчи ливерпулликларга 50 миллион евро атрофида тушиши айтилмоқда.