"Liverpul" sardori Saudiya Arabistoniga yo‘l olishi kutilyapti

"Liverpul" sardori Jordan Xenderson Saudiyaning "Al-Ittifoq" klubi taklifini qabul qilmoqchi. Angliya terma jamoasi yarim himoyachisi tez orada bir qarorga keladi. "Al-Ittifoq" unga hozirgidan 4 baravar ko‘proq maosh taklif qildi. 

Bu kelishuvda klubning yangi bosh murabbiyi Stiven Jerrard asosiy rol o‘ynaydi. Qayd etilishicha, Xenderson shaxsiy shartnoma shartlariga rozi bo‘lsa, "qizillar" hech qanday to‘siq qo‘yish niyatida emas va transfer bo‘yicha darhol muzokaralarga kirishadi. 

"Qizillar" sardori o‘tgan mavsumda 43 o‘yin o‘tkazib, 3 ta golga assistentlik qilgan.