"Ливерпуль" собиқ футболчиси Исакнинг нархи ҳақида: "150 миллион бу Мбаппенинг нархи"

"Ливерпуль"нинг собиқ ҳимоячиси, ҳозирда футбол мутахассиси Жейми Каррагер мерсисайдликлар "Ньюкасл" ҳужумчиси Александр Исакка қизиқиш билдираётгани ҳақида гапирди. Хабар қилинишича, "қарғалар" ўз форвардини 130-150 миллион еврога баҳоламоқда. Эслатиб ўтамиз, ёзда "Ливерпуль" ҳужумчи Уго Экитикени сотиб олган эди.

"Мен "Ливерпуль" Александр Исакни ўз сафига қўшиб олишини истайман. Лекин, менимча, 150 миллион евро - бу Килиан Мбаппе учун нарх. Унга шунча пул тўлаш мумкин. Аммо "Ливерпуль" мухлиси сифатида клуб Исак учун 150 миллион фунт сарфлашини истамайман", - дея Каррагернинг сўзларини келтирди Sky Sports.

2024/2025 йилги мавсумда 25 ёшли Исак барча мусобақаларда 42 та ўйинда майдонга тушиб, 27 та гол урди ва олтита голли узатмани амалга оширди. Transfermarkt портали маълумотларига кўра, футболчининг бозор нархи 120 миллион еврони ташкил этади.