"Ливерпуль" собиқ футболчиси Салоҳ кетса, унинг ўрнини ким эгаллай олишини айтди

"Ливерпуль" ҳужумчиси Муҳаммад Салоҳ келажаги борасида якуний қарорга келмади. Унинг амалдаги шартномаси ўз ниҳоясига етишига 6 ойдан кам вақт қолди.

32 ёшли ҳужумчига Саудия Про лигаси клублари қизиқмоқда, шунингдек, унинг агенти ПСЖ билан алоқа қилгани ҳақида хабарлар тарқалмоқда.

"Sky Sports" телеканали эксперти Жейми Каррагер "Ливерпуль" юлдузининг келажагини муҳокама қилиб, "Брентфорд" ҳужумчиси Бриан Мбемо мисрлик футболчининг ўрнини босувчи энг тўғри вариант бўлиши мумкинлигини таъкидлади. 

Мисрлик ҳужумчи жорий мавсумда АПЛ доирасида 22 ўйинда 19 та гол уриб, 13 та голли узатма амалга оширди. "Брентфорд"нинг камерунлик етакчиси бўлса, 23 та ўйинда 14 та гол ва 3 та ассист қилди.