"Ливерпуль" собиқ юлдузи боксда жанг қилади

"Ливерпуль" клуби собиқ юлдузи Дирк Кюйт ўзини бошқа спорт турида синаб кўришга қарор қилди.

Маълумотларга қараганда, нидерландиялик собиқ футболчи 2022 йилнинг октябрь ойида Рико Верховен ташкил этадиган бокс оқшомида рингга кўтарилади. Унинг рақиби ҳозирча номаълум.

"Футболчи сифатида мен омма олдида чиқиш қилиш нима эканлигини биламан. Тахминан 4 йилдан бери футбол ўйнамаяпман. Бироқ кескинлик ва ғалаба учун курашишни соғиндим",-дейди Кюйт.

Нидерландиялик ҳужумчи мерсисайдликлар либосида 6 йил ҳаракат қилган. Унинг сўнгги профессионал клуби "Фейеноорд" бўлган эди.