"Ливерпуль" тўпурар ҳужумчини 10 миллион еврога кўндирди

“Ливерпуль” клуби ҳамон “РБ Лейпциг” форварди Тимо Вернернинг трансфери устида иш олиб бормоқда.

Италиялик журналист Никола Сакиранинг маълум қилишича, мерсисайдликлар 24 ёшли немис футболчисига 5 йиллик шартнома ва йилига 10 млн евро маош таклиф қилишган. Тимо ҳам ушбу таклифга розилик билдирган. Энди “Ливерпуль” фақатгина “РБ Лейпциг”ни кўндирса бас.

Вернер жорий мавсум 36 та ўйинда майдонга тушди ва 27 та гол ҳамда 12 та голли узатмага муаллифлик қилди. Transfermarkt сайти уни 64 млн еврога баҳоламоқда.