"Ливерпуль" ва "Арсенал" эквадорлик иқтидор учун курашмоқда

Ҳимоячи Вильян Пачо фаолиятини АПЛда давом эттириши мумкин. Бу ҳақда "Sky Sports" нашри журналисти Флориан Плеттенберг хабар берди. 

Қайд этилишича, "Айнтрахт" футболчисига "Арсенал" ва "Ливерпуль" клублари қизиқиш билдирмоқда. Улар эквадорликни трансфер қилиш имконияти ҳақида маълумот сўрашган. 

Франкфурт клуби Пачони ёзда 50-60 миллион евролик таклиф тушса, қўйиб юборишга тайёр. Футболчининг немис клуби билан шартномаси 2028 йилгача амал қилади.