"Liverpul" va "Yuventus" "Bavariya" futbolchisini nishonga oldi

"Bavariya" hujumkor yarim himoyachisi Serj Gnabrining xizmatlariga APL va A Seriya grand klublaridan qiziqish bo‘lmoqda.

"La Gazetta dello Sport" bergan ma’lumotlarga ko‘ra, mersisaydliklar va Turin klubi Gnabrini sotib olish payiga tushgan. Germaniyalik futbolchining amaldagi shartnomasi mavsum oxirida yakunlanishini inobatga olsak, ikki klub ham uni tekinga qo‘lga kiritishni ko‘zlayapti. Shu bilan bir qatorda, "Yuventus"ning "Liverpul" ga raqobat qila olishi qiyin bo‘lishi ta’kidlanmoqda. Sababi moliyaviy tomondan "qizillar"ning imkoniyati yuqoriroq.

Ma’lumot uchun, 30 yoshli futbolchi joriy mavsumda umumiy 15 ta uchrashuvda maydonga tushib, 4 ta gol va 4 ta golli uzatmani amalga oshirdi.