"Ливерпуль" яна бир зўр трансферни амалга оширишга яқин

"Порту"нинг колумбиялик ҳужумкор ярим ҳимоячиси Луис Диас премьер-лига клубига кўчиб ўтишга яқин, деб хабар бермоқда Caracol Radio журналисти Сезар Аугусто.

Юқоридаги манбага кўра, "аждарлар" етакчиси "Ливерпуль" футболчисига айланади. Трансфер суммаси 60 миллион фунтни ташкил этади, бу эса 71,7 миллион еврога тенг. Унинг шартномасига кўра, товон пули 80 миллион евро қилиб белгиланган.

Айтиш керакки, ушбу футболчига "Ньюкасл" ҳам даъвогарлик қилаётган эди.

Диас жорий мавсум Португалия чемпионатида 15 та ўйинда майдонга тушиб, 12 та гол урди.