"Ливерпуль" ярим ҳимоя чизиғини кучайтирмоқчи

"Ноттингем Форест" таянч ярим ҳимоячиси Эллиот Андерсон фаолиятини "Ливерпуль"да давом эттириши мумкин.

"Team Talk" нашри берган хабарларга кўра, мерсисайдликлар 23 ёшли футболчининг хизматларига қизиқиш билдирмоқда. "Қизиллар" футболчини ёзда жамоага олиб келиш учун жиддий кураш олиб боради. "Ўрмончилар" ўз юлдузи учун камида 120 миллион евро талаб қилиши кутиляпти. Англиялик футболчини "Манчестер Юнайтед" ҳам жамоада кўришни истамоқда. Андерсоннинг ўзи ҳам "қизил иблислар"га ўтишни маъқул кўради. Хавбек ўтган ёзда "Ноттингем Форест"га сафига келиб қўшилган эди. 

Маълумот учун, ярим ҳимоячи жорий мавсумда барча мусобақаларда умумий 14 ўйинда майдонга тушиб, ўз ҳисобига битта гол ва битта ассистни ёздириб қўйган.