“Liverpul”ga “polshalik Messi” keldi

Yurgen Klopp jamoasi 17 yoshli polshalik futbolchi Mateush Musialovskini o‘z safiga qo‘shib olganini e’lon qildi.

E’tiborlisi shundaki, bu o‘yinchi faoliyatida ilk bor professional shartnomaga ega bo‘ldi.

Ko‘plab mutaxassislar bu o‘yinchi “Liverpul” yoshlar jamoasidagi eng iste’dodli yigit ekanini ta’kidlamoqda. Shov-shuvni xush ko‘radigan Angliya matbuoti Musialovskini yangi Messi bo‘ladi, deb bong urmoqda.

Ma’lumotlarga qaraganda, Yurgen Klopp 17 yoshli futbolchini “Liverpul”ning asosiy tarkibi mashg‘ulotlariga qo‘shib olgan va unga katta ishonch bildiryapti.