"Ливерпуль"нинг икки ҳимоячиси АПЛ тарихидан жой олишди

"Ливерпуль" футболчилари Трент Александер-Арнольд ва Эндрю Робертсон Англия Премьер-лигаси тарихида 60 ёки ундан ортиқ голли узатма амалга оширишга муваффақ бўлган ягона ҳимоячилар бўлишди. Бу ҳақда Live Score хабар берди.

Манбага кўра, Премьер-лига доирасида Александр-Арнольд ҳисобида 64 та, Робертсонда эса 60 та ассист бор.

Жорий мавсумда Александер-Арнольд 43 та ўйинда майдонга тушиб, 4 та гол ва 8 та голли узатма амалга оширган. Робертсон эса 44 та баҳсда иштирок этиб, 2 та ассист билан кифояланган.

Эслатиб ўтамиз, бир-неча кун олдин Трент ёзда мерсисайдликлар сафини эркин агент сифатида тарк этишини маълум қилган эди. Унинг шотландиялик жамоадошининг шартномаси 2026 йилнинг ёзида ўз ниҳоясига етади.