"Ливерпуль"нинг Исак учун навбатдаги таклифи тайёр

"Ливерпуль" "қарғалар" ҳужумчи Ник Волтамадени сотиб олганидан кейин "Ньюкасл"га ҳужумчи Александр Исак трансфери бўйича янги таклиф билан чиқмоқчи. Мерсисайдликлар швециялик футболчининг трансфери учун 130 млн фунт (149,5 млн евро) тўлашга тайёр. Бу ҳақда The Telegraph хабар бермоқда.

Манбага кўра, сўнгги вақтларда Исакнинг "Ливерпуль"га ўтиш эҳтимоли ошган.

"Ньюкасл" 25 ёшли форвардни 150 млн фунтга (172,5 млн евро) баҳоламоқда. Шу билан бирга, таъкидланишича, "қизиллар" футболчининг трансфери учун 130 миллион фунт стерлинг таклиф қилишга тайёр бўлса-да, эҳтимолий бонусларни ҳисобга олган ҳолда бу сумма ошиши мумкин.

Аввалроқ, Исак жамоадан алоҳида индивидуал дастур асосида шуғулланаётгани ҳақида хабар тарқалган эди.