"Liverpul"ning yozgi transfer oynasidagi asosiy maqsadi nima?

"Liverpul" yozda ikki yoki uchta markaziy yarim himoyachi sotib olishga harakat qiladi. Jurnalist Fabritsio Romanoning fikricha, Yurgen Klopp jamoasi yozda bitta yarim himoyachi bilan cheklanib qolishni istamaydi.

Eslatib o‘tamiz, "Liverpul"ning yarim himoyani kuchaytirish bo‘yicha transfer maqsadlari orasida ayni damda Londonning "Chelsi" klubidan Meyson Maunt va "Bavariya"dan Rayan Gravenberx kabi futbolchilar bor. To‘g‘ri, bu futbolchilar keyingi yozda qo‘yib yuboriladimi yoki yo‘qmi hozircha malum emas.

Bundan tashqari, “Liverpul” mavsumlar oralig‘ida bir vaqtning o‘zida shartnoma muddati tugaydigan uchta yarim himoyachisini yo‘qotishi mumkin. Gap Nabi Keyta, Aleks Oksleyd-Chemberlen va Jeyms Milner haqida ketmoqda.