"Локомотив" "Андижон"ни менсимай ўйнадими?

"Ўйин қийин бўлишини билар эдик. Айниқса биринчи бўлимда ҳужумга ўтишда қийинчиликларга учрадик. Бундай ўйинларда вазиятлардан унумли фойдаланиш керак. Танаффусдан сўнг тезкор гол киритдик ва учрашувни назорат қилдик.

Тақвим тиғиз ва ротация ишларини амалга оширишга тўғри келади. Раевац? Биз уни ўтган ёздаёқ жамоамиз сафига қўшиб олишни истаган эдик. Жамоамизга қишда легионерлардан бошқа футболчилар ҳам кўчиб ўтишган. Ҳар бир футболчи жамоасини ўзгартиргач клубга мослашиб кетиши учун вақт керак бўлади.

Рақибни менсимаслик? Бундай нарса умуман бўлган эмас. Ҳаёлимиз ОЧЛ ўйинига эмас, бугунги учрашувга қаратилган эди. Куч тежаганимиз ҳам йўқ, буни ечиниш хонасида ҳам сезиш мумкин эди", - деди Фёдоров.