"Локомотив" "Атлетико" ҳужумчиси учун курашга қўшилди

"Атлетико" форварди Никола Калинич фаолиятини Москванинг "Локомотив" клубида давом эттириши мумкин.

GianlucaDiMarzio.com сайти тарқатган хабарга кўра, 32 ёшли хорватиялик футболчи учун "Торино" ҳам кураш олиб бормоқда. Аммо “темирйўлчилар” ушбу музокараларда ҳозирча туринликларга имкониятни бой бермоқда.

Бундан аввалроқ, "Локомотив" бошқа бир хорватиялик ҳужумчи - Марио Манжукични қўлга киритишга уриниб кўрган эди.

Калинич ўтган мавсумни “Рома”да ижарада ўтказган ва 19 та ўйинда 5 та гол урган.