"Локомотив" ва "Пахтакор"нинг ўзаро учрашувларидаги тўпурар кимлигини биласизми?

Суперлига 25-турида "Локомотив" - "Пахтакор" учрашуви бўлиб ўтади. Тошкент дербиси "Пахтакор" стадиони ўтказилади. "Пахтакор" клуби матбуот хизмати ўйиндан аввал қарама-қаршилик тарихидаги тўпурарлар ҳақида маълумотлар тақдим этди.

Ўзаро ўйинларда "Пахтакор"нинг Ўзбекистон чемпионатидаги тўпурарларидан бири Анвар Солиев  "Локомотив" дарвозасини 10 марта ишғол қилган. Сервер Жепаров ҳисобида 5, Уче Ихеруоме, Станислав Андреев, Александр Гейнрих, Драган Черан ва Жалолиддин Машариповда 4тадан гол бор. "Темирйўлчилар"дан Марат Бикмаев 5 гол уришга эришган. Зайниддин Тожиев, Акмал Холматов ва Темурхўжа Абдухолиқов дербиларда ҳар икки жамоа учун тўп киритган футболчилар саналади.

"Локомотив" билан ўзаро ўйинлар тўпурарлари
10 - Анвар Солиев
5 - Сервер Жепаров, Марат Бикмаев
4 - Уче Ихеруоме, Станислав Андреев, Александр Гейнрих, Драган Черан, Жалолиддин Машарипов.