Лондон дербисида "Арсенал"нинг қўли баланд келди

Англия Премьер-лигаси 28-турининг марказий баҳсида "Арсенал" "Тоттенхэм" устидан иродали ғалабани тантана қилди.

Учрашув "канонирлар"нинг тўлақонли устунлигида кечди. Бироқ "шпорлар" ҳисобни биринчи бўлиб очишди. 33-дақиқада жарима майдони ичида Эрик Ламела рақиб дарвозасини чиройли услубда ишғол қилди. 45-дақиқада эса Мартин Эдегор ҳисобни тенглаштирувчи гол муаллифи бўлди. 64-дақиқада ҳакам "Тоттенхэм" дарвозасига белгиланган пенальтини Александр Ляказетт аниқ амалга оширди.

Ушбу ғалабадан сўнг "Арсенал" очколари сонини 41 тага етказди ва 10-ўринда қолди, "Тоттенхэм" эса 45 очко билан 7-ўринда қолди.

Ўйин сайтимиз орқали матнли трансляция қилинди.