Лондон клуби бош мураббийликка португалиялик мутахассис номзодини кўриб чиқмоқда

Лондоннинг "Вест Хэм" клуби раҳбарияти ҳозирча бош мураббий Дэвид Мойеснинг жамоадаги келажаги борасида якуний қарорга келишмаган. Аммо The Guardian нашрининг ёзишича, “болғачилар” муваффақиятсиз мавсумдан кейин бош мураббийни ўзгартиришга мойил.

Манбага кўра, Пауло Фонсека "Вест Хэм" бош мураббийи лавозимига асосий номзод сифатида кўрилмоқда. 50 ёшли португалиялик мутахассис айни дамда «Лилль» клуби билан Франция чемпионатида фаолият юритмоқда.

Қайд этилишича, “Вест Хэм” 2018 йилда ҳам Фонсеканинг номзодини кўриб чиққанди.

Эслатиб ўтамиз, "Вест Хэм" ҳозирда АПЛ турнир жадвалида 15-ўринда бормоқда. Лондонликларни қуйи лигадан атиги 4 очко ажратиб турибди.