Луис де ла Фуэнте: "Рақиблар Ямалга нисбатан ўта тажовузкор ўйнашмоқда"

Испания миллий терма жамоаси бош мураббийи Луис де ла Фуэнте рақибларнинг Ламин Ямалга қарши қўпол ўйини ҳақида гапирди.

- Ямал ҳақида қандай фикрдасиз?

-У ажойиб ахлоқ ва фазилатларга эга. Ламинда ўзига хос истеъдод бор. 

- Кўряпмизки, деярли барча рақиб футболчилари ёш истеъдодга нисбатан ўта қўпол ўйин кўрсатмоқда. Сизнингча, тажовузкорлик ҳимояланишнинг энг яхши усулими?

-Қоидалар рухсат бергани қадар ўйнаш керак. Вазият ўзгарса, уни баҳолай оладиган инсон - ҳакам бор. Аммо бугун кўрдикки, рефери данияликларга истаганича қўпол ўйнашга қўйиб берди.

Ҳозирдан ана шундай ҳолатлар рўй берса, биз қандай қилиб ёшларга қўрқмай имконият тақдим эта оламиз. Аммо Ламин Ямал ҳам секин-аста бунга кўникиши ва ўз устида ишлашда давом этиши керак.