Луис Диас: "Майкл Олисе ўйин тақдирини ҳал қила олади"

Мюнхеннинг "Бавария" клуби қанот ҳужумчиси Луис Диас жамоадоши Майкл Олисе ҳақида илиқ фикр билдирди.

– Майкл яккакурашларда рақибларни шунчаки мағлуб этади. У ниҳоятда техник футболчи ва ўйин тақдирини ҳал қила олади.

У жуда хотиржам йигит. Майдонда эса жуда мулоқотчан. Кўп маслаҳат беради, майда деталларгача эътибор қаратади ва "Ҳей, ҳимояни бундай ёки бундай қуришимиз керак", деб айта олади.

Ана шу майда жиҳатлар сенинг футболчи сифатида ўсишингга ва ўзингни ишончли ҳис қилишингга ёрдам беради. Яна бир бор айтаман: бундай футболчилар билан бир жамоада ўйнаш — бу ҳақиқатан ҳам ажойиб, – деди Диас.