Luis Enrique: "Har qanday fikrni hurmat qilish shart emas"

Luis Enrique PSJning bosh murabbiyi sifatida Liga 1 doirasidagi "Loryan"ga qarshi oʻyin oldidan matbuot anjumanida YEChL yarim finalidagi "Bavariya"ga qarshi ilk uchrashuv (5:4) borasidagi tanqidlarga munosabat bildirdi.

"Hayotda boʻlgani kabi, har kimning oʻz fikri bor. Lekin har bir fikrni hurmat qilish shart deb oʻylamayman. Agar u ahmoqona boʻlsa, uni hurmat qilish shart emas.

Bunday futbolni yoqtiradiganlar bor va ular koʻpchilikni tashkil qiladi. Men ham shulardan biriman.

Albatta, baʼzilarga bu oʻyin yoqmadi. Ammo oʻylashimcha, koʻpchilikka baribir bahs maʼqul keldi — eng muhimi ham shu", — dedi Enrique.