Лукас Эрнандес: Гризманн "Бавария"га ўтса ажойиб бўлар эди

"Бавария" клуби янги аъзоси Лукас Эрнандес "Атлетико"даги собиқ жамоадоши Антуан Гризманнинг ҳам мюнхенликлар сафига ўтишини хоҳламоқда.

“Гризманн топ даражадаги футболчи ҳисобланади. Кўплаб жамоалар уни ўз сафида кўришни хоҳлашади. Антуан “Бавария” футболчисига айланса ажойиб бўлар эди. Унинг “Барселона”га ўтаётгани борасида ҳеч нарсани билмайман, аммо у “Бавария”да дунёнинг энг зўр футболчисига айланиши мумкин”, - дейди Эрнандес.