Лукас Васкес "Реал" таркибида 400-ўйинини ўтказди

Кеча 33 ёшли ҳимоячи Лукас Васкес Ла Лига доирасида "Реал Сосьедад"га қарши учрашувда (2:0) майдонга тушди ва бу унинг мадридликлар сафидаги юбилей учрашуви бўлди.

Васкес 2015 йилда "қироллик клуби" сафида дебют қилган ва 10 мавсум давомида жамоа билан 23 та совринни қўлга киритиб, 38 та гол урган.

У Ла Лигада 277 та, Чемпионлар лигасида 77 та, Испания кубогида 27 та, Испания Суперкубигида 8 та, Клублар ўртасидаги Жаҳон чемпионатида 7 та ва УЕФА Супер кубигида 4 та ўйин ўтказган.

Эслатиб ўтамиз, аввалроқ, футболчи Клублар ўртасидаги Жаҳон чемпионатидан сўнг эркин агент сифатида "Реал"ни тарк этиши хабар қилинган эди.