Madiyor Saidrahimov: Tursunov birinchi raqamli sportchi edi. Mana, uni yutdim

-91 kg vaznda O‘zbekiston chempioniga aylangan Madiyor Saidrahimov finalda turnir favoriti deya ta’riflangan Sanjar Tursunovdan ustun keldi. Yangi chempionning jangdan keyingi fikrlari bilan tanishing:

"Turnir men uchun a’lo darajada o‘tdi. O‘zbekiston chempioni va 1-raqamli bokschi bo‘lishni orzu qilardim. Xudoga shukr chempion bo‘lib, murabbiylarim ishonchini oqladim.

Raqibim Sanjar Tursunov juda mahoratli, texnikasi yuqori bo‘lgan sportchi. Unga qarshi usullarni qo‘llab, uni mag‘lubiyatga uchratdim. Tursunov birinchi raqamli sportchi edi. Mana, uni yutdim. Endi birinchi raqamli sportchi bo‘lib qolmoqchiman".