Мадрид ЕЧЛ финалини кутмоқда

Жорий йилги Европа чемпионлар лигасининг финали учун Мадрид шаҳри мезбонлик қилиши мумкин.

Шаҳар мэри Хосе Луис Мартинес-Алмейда пойтахт нуфузли турнирни қабул қилишга тайёр эканини таъкидлаб ўтди.

"Мадрид учун катта янгилик бўлар эди, бу йўналишда дастлабки қадамлар ташланган", - дейди амалдор.

Агар вазият мэр айтганидек ривожланса, унда Мадрид 21 асрда Чемпионлар лигаси финалига кетма-кет мезбонлик қилган биринчи шаҳарга айланади.

Айни вақтда "Сантьяго Бернабеу"да таъмирлаш ишлари олиб борилаётганини ҳисобга олинса, финал яна бир маротаба "Ванда Метрополитано"да ўтказилиши мумкин.