Мадрид клуби аргентиналик футболчини ўз сафига қўшиб олди

Мадриднинг “Леганес” клуби "Саутгемптон"дан аргентиналик форвард Гуидо Каррильони ўз сафига қўшиб олганини эълон қилди.

Клуб расмий сайти тарқатган хабарга кўра мадридликлар 27 ёшли футболчини бир йилга ижарага олишган.

Эслатиб ўтиш лозимки, Каррильо "Саутгемптон" сафига 2018 йилнинг январь ойида келиб қўшилган эди. У ўтган ярим мавсум давомида жами 10та учрашувда майдонга тушиб, жамоасининг 2та голига ассистентлик қилган.

Маълумот учун, Каррильо фаолияти давомида "Эстудиантес" ва "Монако" каби жамоаларда ҳам тўп сурган.