Мадрид клуби устози "Рома" ҳужумчисини ўз таркибида кўрмоқчи

"Рома"нинг аргентиналик ҳужумчиси Пауло Дибала ўз фаолиятини Испания чемпионатида давом эттириши мумкин. Бу ҳақда "Todofichajes" хабар бермоқда.

Манбанинг маълумотларига кўра, ҳужумчи ҳамон "Атлетико"нинг қизиқиш доирасида қолмоқда. Футболчини жамоага қўшиб олишни "матрасчилар"нинг бош мураббийи Диего Симеоненинг ўзи хоҳламоқда.

Дибала ва Рим клуби ўртасидаги шартнома 2026 йилнинг ёзигача мўлжалланган. Унинг шартномасида 12 миллион еврога сотиб олиш банди мавжуд.

Маълумот учун, жаҳон чемпиони жорий мавсум А Серияда 21 та ўйин ўтказиб, 6 та гол урди ва 2 та голли узатмага муаллифлик қилди.